قازاقستاندا ينتەرنەت پايدالانۋشىلار سانى 12 ميلليونعا جەتتى. بۇل تۋرالى بۇگىن بىرىككەن ۇلتتار ۇيىمىنىڭ Global e-Government Forum-2014 فورۋمى بارىسىندا ق ر ينۆەستيسيالار جانە دامۋ ءمينيسترى اسەت يسەكەشيەۆ ءمالىم ەتتى.

«ۇكىمەت حالقىمىزدىڭ كومپيۋتەرلىك ساۋاتتىلىعىن ارتتىرۋ ءۇشىن بەلسەندى جۇمىستار جۇرگىزۋدە. قازىرگى ۋاقىتتا حالىق اراسىنداعى كومپيۋتەرلىك ساۋاتتىلىق دەڭگەيى شامامەن 63 پايىزعا جەتىپ وتىر. ينتەرنەت پايدالانۋشىلار سانى 12 ميلليونعا جەتتى، بۇل حالىقتىڭ 70 پايىزىن قۇرايدى»، - دەگەن ءا.يسەكەشيەۆ ءوز سوزىندە.

قازاقپارات جازعانداي،  يسەكەشيەۆ ساندىق تەليەۆيدەنيەمەن حالىقتى قامتۋ كورسەتكىشى 51 پايىزعا جەتىپ وتىرعانىن ايتقان. ال جىل سوڭىنا دەيىن بۇل كورسەتكىشتى 72 پايىزعا جەتكىزۋ جوسپارلانعان. 2 جىلدىڭ ىشىندە حالىقتى ساندىق تەليەۆيدەنيەمەن قامتۋ كورسەتكىشىن دە 95 پايىزعا جەتكىزۋ قولعا الىنعان.

قامشى-اقپارات